منتديات اسطوره
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات اسطوره

للبنات فقــــــط
 
الرئيسيةأحدث الصورالتسجيلدخول

 

 انواع البتزا

اذهب الى الأسفل 
3 مشترك
كاتب الموضوعرسالة
مدام ديدي
مشرفة أقسام الطبخ
مشرفة أقسام الطبخ



انثى
عدد الرسائل : 78
البلد : مصر
الوظيفة : ربة منزل
تاريخ التسجيل : 30/06/2008

انواع البتزا Empty
مُساهمةموضوع: انواع البتزا   انواع البتزا Emptyالأحد يوليو 27, 2008 6:08 am

[center]انواع البتزا Kamar_01
خطيبك جاي لك البيت النهاردة واتفق معاكي إن مفيش خروج النهاردة؛ لأنه آخر الشهر ومفيش فلوس..

وطلب منك تعملي له على الغذاء بيتزا زي اللي بيعزمك عليها برة..
جوزك زهق من المحشي والمكرونة والمسبك والذي منه وقال لك أعملي بيتزا

طبعا إنت قُلتِ: حاضر وقاعدة بينك وبين نفسك تقولي هو إيه اللي حصل في دماغه بيتزا إيه اللي عايزها دي؟ هو أنا بعرف أعمل الأكل العادي لما هاعرف أعمل بيتزا!!!

وطبعا لو فكرتِ إنك تشتريها من بره هيعرف وأكيد هيزعل؛ لأنك كذبتِ عليه وهيبقى موقف مش لطيف...

يبقى مفيش قُدامك حل غير إنك تتعلميها بنفسك

يلا نعمل البيتزا مع بعض..

هنبتدي بإيه
دلوقتي احنا دخلنا المطبخ وهنبدأ نجهز طلبات البيتزا وأول حاجة هتجهزيها هي عجينة البيتزا، لأنها محتاجة وقت علشان العجينة تخمر، وبيني وبينك كده فيه أكتر من طريقة لعمل عجينة البيتزا يعني فيه ناس بتعملها ببيض ولبن وفيه ناس بتعملها من غير بيض ولا لبن، واحنا هنقولك على الطريقتين واللي يعجبك فيهم اعمليه..

العجينة على طريقة نابولي


انواع البتزا Kamar_02
المقادير:
• 3 أكواب دقيق
• 2 ملعقة خميرة بيرة
• 2/1ملعقة صغيرة ملح
• كوب ماء دافئ
• 3معالق كبيرة زيت ذرة
الطريقة:

1- اخلطي كوب ونصف دقيق مع الخميرة والملح وبعد كده ضيفي الميه والزيت، واضربيهم كلهم بمضرب البيض الكهربائي على سرعة عالية لمدة 3 دقائق.
2- ضيفي باقي الدقيق إلى الخليط السابق وقلبيه باستخدام ملعقة خشبية.
3- انقلي العجينة على رخامة المطبخ أو على لوح خشبي وابدئي في عجنها بإيدك لغاية ما تلاقيها بقت طرية ومطاطة وسهلة التشكيل على شكل دوائر كبيرة.
4- انقلي العجينة إلى الطبق البلاستيك أو طبق زجاجي كبير وادهنيها بالزيت وغطيها بقطعة قماش وسيبيها في مكان دافي لمدة ساعتين علشان تخمر وحجمها يزيد...

العجينة على طريقة ملاينو
انواع البتزا Kamar_03

المقادير:
• 2 كوب دقيق
• 2 بيضة
• 2 معلقة زبدة
• كوب لبن
• ذرة ملح وفلفل
• 2 معلقة خميرة بيرة
• 2/1معلقة سكر
الطريقة:
1- اخلطي الخميرة مع السكر.

2- هاتي طبق زجاج أو بلاستيك كبير وحطي فيه السمنة واضربيها بالمضرب الكهربائي وبعد كده ضيفي إليها باقي المقادير والخميرة والسكر واضربيهم مع بعض بالمضرب هتلاقي إن العجينة بقت جامدة شيلي المضرب واعجني العجينة بإيدك لغاية ما تلاقيها بقت طرية ومطاطة غطيها وسيبيها لمدة 3 ساعات عشان تخمر.
بس يا ستي دول كانوا أشهر طريقتين لعمل عجينة البيتزا في إيطاليا وحبيت أقولهم في الأول لأن زي ما إنت عارفة إن أهم حاجة في البيتزا هي العجينة وعلى فكرة العجينة دي هتستخدميها في عمل أي نوع إنت عايزاه من أنواع البيتزا..
وفيه حاجة تانية مهمة لازم تكوني عارفاها علشان هتحتاجيها في عمل كل نوع من أنواع البيتزا وهي..

صلصة البيتزا


انواع البتزا Kamar_04
المقادير:

• 4 حبات طماطم مقشرة ومقطعة مكعبات صغيرة
• 4 ملاعق كبيرة معجون طماطم
• 2 ملعقة كبيرة زيت ذرة
• 1 ملعقة صغيرة زعتر جاف ومطحون
• 1 ملعقة صغيرة أوريجانو، أو نعناع، جاف ومطحون
• 1 ملعقة كبيرة ملح وفلفل
الطريقة:

1. سخني الزيت في طاسة على نار هادية، وبعد كده ضيفي الطماطم ومعجون الطماطم والزعتر والأوريجانو أو النعناع و4/3 كوب ماء وسيبي الخليط على النار لمدة نص ساعة علشان يتسبك...

بعد ما تلاقيه اتسبّك أو بقى تقيل شيليه من على البوتجاز واستخدميه في عمل البيتزا زي ما قلنا.

ودلوقتي هنعرف ازاي تعملي كل نوع بيتزا
بيتزا بالخضروات
انواع البتزا Kamar_05
المقادير:
• عجينة بيتزا
• 1 حبة فلفل أخضر مقطعة مكعبات أو عيدان
• 2/1 كوب صلصة بيتزا أو "معجون طماطم"
• 2 حبة طماطم مقطعة قطع صغيرة أو حلقات
• بصلة متوسطة الحجم مقطعة حلقات
• 1 كوب عيش الغراب شرائح
• 2 فص ثوم مفروم
• 1 ملعقة صغيرة زعتر
• 2/1 كوب جبنة موتزاريلا مبشورة
• 2/1 ملعقة صغيرة فلفل أسود
• عرقان من الكرفس مقطعان قطعا صغيرة
• زيتون أسود مقطع دوائر
• أوراق ريحان للزينة "حسب الرغبة"
الطريقة:

1- قطعي عجينة البيتزا إلى قطع صغيرة مدوّرة وحطيها على رخامة المطبخ أو على سطح خشبي مرشوش بالدقيق وابدئي في فردها لتغطي صاج أو صينية البيتزا وبعد كده حطيها في الصينية اللي هتسويها فيها بس خدي بالك إنك قبل ما تحطيها تدهني الصينية بالزيت.
2- ضيفي صلصلة البيتزا فوق العجينة ورشي الثوم المفروم وضيفي الفلفل الأخضر والطماطم والبصل والكرفس والزيتون الأسود وعيش الغراب ورشي الفلفل الأسود وقطعي البيتزا على شكل مثلثات.
3- رشي الجبنة الموتزاريلا والزعتر من على السطح.
4- سخني الفرن على درجة حرارة "220 - 200 ْ مئوية" بعد كده دخلي صينية البيتزا في الفرن لمدة 15 دقيقة وبعد ما تلاقي وشها احمرّ خرجيها، واوعي تاكلي صوابعك وراها.


بيتزا بالسجق
انواع البتزا Kamar_06
المقادير:

• عجينة بيتزا
• 1 حبة فلفل أخضر مقطعة مكعبات أو عيدان
• 2/1 كوب صلصة بيتزا أو معجون طماطم
• بصلة متوسطة الحجم مقطعة حلقات
• 2 فص ثوم مفروم
• 2/1كوب جبنة موتزاريلا مبشورة
• 2/1 ملعقة صغيرة فلفل أسود
• عرقان من الكرفس مقطعان قطعا صغيرة جدا
• سجق مقطع
• 2/1 كوب زيتون أسود أو أخضر مقطع شرائح
الطريقة:
1- قطعي عجينة البيتزا إلى قطع صغيرة مدورة وحطيها على رخامة المطبخ أو على سطح خشبي مرشوش بالدقيق وابدئي في فردها لتغطي صاج أو صينية البيتزا وبعد كده حطيها في الصينية اللي هتسويها فيها بس خدي بالك إنك قبل ما تحطيها تدهني الصينية بالزيت.
2- ضيفي صلصلة البيتزا فوق العجينة ورشي الثوم المفروم وضيفي الفلفل الأخضر والبصل والكرفس والزيتون الأسود والسجق ورشي الفلفل الأسود.
3- رشي الجبنة الموتزاريلا والزعتر على السطح وقطعي البيتزا على شكل مثلثات.
4- سخني الفرن على درجة حرارة "220 - 200 ْ مئوية" بعد كده دخلي صينية البيتزا في الفرن لمدة 15 دقيقة وبعد ما تلاقي وشها احمرّ خرجيها واوعي تاكلي صوابعك وراها.

يبتزا باللحمة المفرومة وعيش الغراب


انواع البتزا Kamar_07
المقادير:

• عجينة بيتزا
• ربع كيلو لحم مفرومة
• 1كوب عيش الغراب شرائح
• 1حبة فلفل أخضر،مقطعة قطعا صغيرة
• 1بصلة صغيرة مقطعة شرائح
• 1 فص ثوم مفروم
• 2ملعقة كبيرة معجون طماطم
• 2كوب جبنة موتزاريلا
• 2ملعقة كبيرة زيت ذرة
الطريقة:

1- قطعي البصل إلى شرائح وبعد كده سخني الزيت في طاسة كبيرة على نار هادية وابدئي في إضافة اللحمة المفرومة مع التقليب المستمر علشان اللحمة ما تلزقش منك لمدة عشرة دقائق بعد كده ضيفي عيش الغراب والبصل والثوم والفلفل الأخضر وشوية ملح وفلفل وقلبيهم كلهم مع بعض وسيبيهم على النار حوالي 10 دقائق كمان.
2- قطعي عجينة البيتزا إلى قطع صغيرة مدورة وحطيها على رخامة المطبخ أو على سطح خشبي مرشوش بالدقيق وابدئي في فردها لتغطي صاج أو صينية البيتزا وبعد كده حطيها في الصينية اللي هتسويها فيها بس خدي بالك إنك قبل ما تحطيها تدهني الصينية بالزيت.
3- ضيفي صلصلة البيتزا فوق العجينة وبعد كده رشي عليها خليط اللحمة المفرومة اللي عملتيه عليها ورشي الجبنة الموتزاريلا على السطح البيتزا وقطعي البيتزا على شكل مثلثات.
4- سخني الفرن على درجة حرارة "220 – 200 ْ مئوية" بعد كده دخلي الصينية في الفرن لمدة 15 دقيقة وبعد ما تلاقي وشها احمرّ خرجيها واوعي تاكلي صوابعك وراها.

بيتزا بالجمبري
انواع البتزا Kamar_08
المقادير:

• عجينة بيتزا
• نص كيلو جمبري متوسط مقشر.
• 4 ملاعق صلصة بيتزا أو معجون الطماطم
• 1فص ثوم مفروم ناعم
• 2/1حبة فلفل أخضر مقطع مكعبات صغيرة
• 2/1 حبة فلفل أحمر أو فلفل حار مقطع مكعبات صغيرة
• 1حبة طماطم مقطع مكعبات صغيرة
• 1 بصلة مقطعة شراح
• 1كوب جبنة موتزاريلا مبشورة
• 2/1كوب جبنة شيدر مبشورة
• 2ملعقة كبيرة زيت ذرة
• ملح وفلفل
• نص حزمة كرفس.
الطريقة:

1- هات الجمبري ونظفيه كويس واغسليه أكتر من مرة وبعد كده ضيفي إليه الثوم المدقوق مع الملح والفلفل.
2- سخني الزيت في طاسة على نار عالية وبعد كده ضيفي إليه الجمبري والثوم مع التقليب لغاية ما لون الجمبري يتحول إلى اللون البرتقالي.
3- قطعي عجينة البيتزا إلى قطع صغيرة مدورة وحطيها على رخامة المطبخ أو على سطح خشبي مرشوش بالدقيق وابدئي في فردها لتغطي صاج أو صينية البيتزا وبعد كده حطيها في الصينية اللي هتسويها فيها بس خدي بالك قبل ما تحطيها تدهني الصينية بالزيت.
4- تضاف صلصة البيتزا فوق العجينة ثم يضاف الجمبري ثم يضاف الفلفل الأحمر والأخضر والطماطم والبصل وترش الجبنة الموتزاريلا والشيدر من على السطح وتقطع البيتزا على شكل مثلثاث.
5- سخني الفرن على درجة حرارة "220 - 200 ْ مئوية" بعد كده دخلي صينية البيتزا في الفرن لمدة 15 دقيقة وبعد ما تلاقي وشها احمرّ خرجيها واوعي تاكلي صوابعك وراها.
وعلى فكرة طريقة عمل "بيتزا السي فوود" شبه طريقة عمل "بيتزا الجمبري" بس كل الحكاية إنك هتضيفي إلى المقادير "كابوريا مقشرة" و"سبيط مسلوق"

بيتزا بالفراخ
انواع البتزا Kamar_09
المقادير:

• عجينة بيتزا
• 2/1 كوب صلصة بيتزا أو معجون طماطم
• 2/1 كوب ريحان أخضر الأوراق فقط "اختياري"
• 2/1كيلو صدور دجاج
• 2 ملعقة كبيرة زيت زيتون
• 2/1 كوب جبنة رومي مبشورة أو بارميزان
• 2/1 كوب جبنة موتزاريلا مبشورة
• 1 كوب عيش الغراب أو شرائح زيتون أخضر
• ملح وفلفل
• بصلة صغيرة مقطعة قطع صغيرة

الطريقة:

1- قطعي صدور الفراخ إلى قطع متوسطة الحجم وتبليها بالملح والفلفل والبصلة الصغيرة وسيبيها لمدة ساعة ونص وبعد كده شيليها من البصل.
2- سخني زيت الزيتون في طاسة على نار متوسطة وبعد كده ضيفي إليها الفراخ مع التقليب لغاية ما تحسي إن الفراخ بدأت تستوي اطفي البوتاجاز.
3- قطعي عجينة البيتزا إلى قطع صغيرة مدورة وحطيها على رخامة المطبخ أو على سطح خشبي مرشوش بالدقيق وابدئي في فردها لتغطي صاج أو صينية البيتزا، وبعد كده حطيها في الصينية اللي هتسويها فيها بس خدي بالك إنك قبل ما تحطيها تدهني الصينية بالزيت.
4- رشي صلصة البيتزا على العجينة وضيفي إليها قطع الدجاج وبعد كده رشي عليها عيش الغراب أو الزيتون ونصف كمية أوراق الريحان. واخلطي الجبن الموتزاريلا والجبن البارميزان وبعد كده رشيهم على سطح البيتزا وقطعي البيتزا على شكل مثلثات.
5- سخني الفرن على درجة حرارة "220 - 200 ْ مئوية" بعد كده دخلي صينية البيتزا في الفرن لمدة 15 دقيقة وبعد ما تلاقي وشها احمرّ خرجيها واوعي تاكلي صوابعك وراها.

وبكده نكون خرجنا من المطبخ وعملنا أكتر من صنف من أصناف البيتزا الشهية اللي بنحبها...


بس اوعوا تنسوا بعد ما تقرأوا العدد تبعتوا وتقولولنا على رأيكم...


وبعد كده تدخلوا على طووول على المطبخ علشان تجربوا الأنواع دي..


[/center]
الرجوع الى أعلى الصفحة اذهب الى الأسفل
اسطوره الحب
مديرة منتدى اسطوره
مديرة منتدى  اسطوره
اسطوره الحب


انثى
عدد الرسائل : 420
البلد : مصر
الوظيفة : طالبه
المزاج : تمام
تاريخ التسجيل : 01/06/2008

انواع البتزا Empty
مُساهمةموضوع: رد: انواع البتزا   انواع البتزا Emptyالإثنين أغسطس 04, 2008 7:27 am

تسلم ايدك

بجدي موضوع في منتهي الجمال

رووووووووعه

انا بموووووووت في البيتزا
الرجوع الى أعلى الصفحة اذهب الى الأسفل
https://ostora.mam9.com
nour
مشرفة أقسام الأناقة والجمال
مشرفة أقسام الأناقة والجمال
nour


انثى
عدد الرسائل : 92
العمر : 33
البلد : egypt
الوظيفة : 'student
تاريخ التسجيل : 03/08/2008

انواع البتزا Empty
مُساهمةموضوع: رد: انواع البتزا   انواع البتزا Emptyالثلاثاء أغسطس 05, 2008 7:05 pm

انا بجد بعشق البيتزا وتسلم ايدك وربنا يخليكى لينا
الرجوع الى أعلى الصفحة اذهب الى الأسفل
 
انواع البتزا
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
منتديات اسطوره  :: أقسام الطبخ :: وصفات الطبخ-
انتقل الى: