منتديات اسطوره

للبنات فقــــــط
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 نكت جامده هههههههههه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
اسطوره الحب
مديرة منتدى اسطوره
مديرة منتدى  اسطوره
avatar

انثى
عدد الرسائل : 420
البلد : مصر
الوظيفة : طالبه
المزاج : تمام
تاريخ التسجيل : 01/06/2008

مُساهمةموضوع: نكت جامده هههههههههه   الخميس يونيو 05, 2008 4:32 am

مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين

واحدة حامل فى ثلاث توائم يوم الولادة الدكتور بيطلع العيل الأول لقاه نايم وساكت قعد يضريه على وشه حتى صرخ الطفل ركنه على جنب وطلع الطفل الثانى لقاح زى أخوه قعد يضربه لما فاق وركنه ..... جه الدكتور يدور على الطفل الثالث مش لاقيه راح ماشى وقال للممرضة كملى لأنهم اثنين بس ...... الممرضة جت تكمل لقت الطفل الثالث طالع براسه بالراحة وبيسألها ... هو الراجل اللى بيضرب العيال مشى ولا لسة



سال المدرس التلميذ : فى عام 1769 ولد شخص هام فى تاريخ فرنسا فمن هو ؟ اجاب التلميذ : نابليون يا استاذ ... ثم سال المدرس : وفى عام 1772 كان هناك حدث اخر ....... أجاب التلميذ : اصبح عمر نابليون 3 سنوات

واحدة عندها قطة كل ما تيجي تتخلص منها ... القطة ترجع تاني.... فبعتت ابنها يتخلص منها و يرميها بعيد عن البيت عشان ما ترجعش ... راح واخد القطة وقعد يلف يلف لحد م تاه عن البيت ورجع متأخر .....فسألتة والدتة اتأخرت لية؟؟ قال لها انا تهت ......قالت له طب رجعت ازاي؟؟؟ قال لها مشيت ورا القطة


استلذ سال تلميذ الثعلب بيولد ولا بيبيض قاله ده مكار اتوقع منه اي حاجه
واحد مؤدب اتجوز واحدة مؤدبة ، الست حامل فى توأم ..فـ يوم الولادة قعد الدكتور ساعات يولدها ... عشان كل واحد من الطفلين عمال يقول للتانى .. لأ اتفضل انت الاول



مرة فصل كله عيال عينهم حوله ......كل ما واحد يجى يكتب فى كرسته ، يقوم كاتب فى كراسة زميله ..... المدرس اخر ما زهق قالهم اللى ها يكتب فى كرسته ها اديله ملبسة.... تلميذ ركز قوى وكتب فى كرسته ، المدرس ادله الملبسة.... حطها فى بق زميله


طفل صغير سال امة ازاى انا جيت الدنيا قالت له حطيت شوية سكر تحت السجادة لاقيتك جيت ... راح الطفل حاطط شوية سكر تحت السجادة... يومين و لاقى صرصور فقال له لو مكنتش ابنى كنت قتلتك



مرة واحد غبى واقف في الشارع و بيتكلم في المحمول و عمال يزعق و يقول: بس دوري تاني ، دوري كويس. ام واحد معدي في الشارع جه قال له: في إيه ؟؟؟؟ راح واخد المحمول منه وبيسمع ... لقى .... (الرقم الذي طلبته غير موجود في الخدمة)!!!!



واحد بيقول لصاحبه تيجى نركب اتوبيس؟؟ قال له : يا عم لأ ، احنا نجرى جنب الاتوبيس ونوفّر النص جنيه .... فرد وقال له طب منجرى جنب تاكسى ونوفّر خمسة جنيه


واحد دخل مجمع استهلاكى وسأل عن الفراخ فساله الموظف عايز فراخ صاحيه ولاّ مدبوحه؟؟ قال مدبوحه ، قال له اطلع الدور الثانى.......طلع وسأل عن الفراخ المدبوحه فقال الموظف عايزها مقطعة ولاّ صحيحة ؟؟ فقال له مقطعه ، قال له اطلع الدور الثالث ..... وقابل موظف اخر وسأله عن الفراخ المدبوحة ومقطعه فقال له عايزها متكيسة ولاّ لأ ؟؟ قال له متكيسة فقال له اطلع الدور الرابع .....طلع الدور الرابع وقابل موظف اخر وقال له عايز فراخ مدبوحة ومقطعه ومكيسة فرد الموظف وقال له مافيش فراخ بس ايه رأيك فى النظام





مره مجموعه هجموا علي شخص وفي ايديهم السلاح وسالوه :انت معانا ولا مع الناس التانيين؟؟؟؟؟ فرد الشخص برعب شديد وقالهم على الفور انا معاكوا طبعا .............. فقاوا له : احنا الناس التانين .. طاااااخ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ostora.mam9.com
 
نكت جامده هههههههههه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات اسطوره  :: أقسام الثقافة و الترفيه :: منتدي الاسطوره الترفيهي-
انتقل الى: